保连奴离开徐新重新上位 过人后挑传助攻惊呆对手

波霸 | 吃瓜工作室 【往期回顾】

波霸系边位？呢度系一个严肃认真，但又hin有”态度”的足球评论栏目，并因为喜欢恒大，会经常曝出粤语，欢迎嚟踢馆~~

（恒大继续领先5分，联赛剩5轮！）

波霸先恭喜保连奴，打入巴塞生涯第一球，而且帮球队逆转，睇落适应冇咩大问题。中超第25轮，恒大客场挑战老对手江苏苏宁，后防主力轮休结果俾对手尾段追平2-2！联赛剩返5轮，恒大领先第二名上海上港5分，冠军悬念又多咗d。保连奴嘅离开，对恒大当然好大影响，不过球队重新起用去年重点培养嘅徐新，今场有唔错嘅演出。

（徐新呢球助攻系辅碌？）

上半场徐新一次带球过人之后挑传，高拉特好舒服咁侧面单刀破门。解说一直话徐新呢球助攻有运气成分，不过波霸唔系咁谂，假设徐新系计埋草地有水，挑传可以落西，助攻把握大d，咁系唔系会觉得徐新嘅头脑有d好使？

（恒大今个赛季输好多任意球……）

上半场苏宁把握住一次任意球机会，门前抢点强力头球追平比分！波霸感觉恒大以前防守定位球好似没咁差，不过史高拿利唔系一个防守型教练，何况恒大球员高空作业确实唔系强项，貌似多数入球都系用脚……

（呢球配合，同保连奴响巴塞入球有d相似……）

当然，波霸同众多球迷一样，都会时不时怀念保连奴！恒大有一球配合可以同巴塞相提并论了，可惜最后一脚俾穆里奇浪费咗。我哋假设最后前插射门嘅系保连奴，可能效果会更惊人，起码有个角球呱？

阿兰一次波霸觉得有越位嫌疑嘅走位，好精彩嘅穿裆单刀入球，可惜86分钟汪嵩切入左脚低射再度追平比分。恒大下一场比赛系下周五客场对重庆力帆，点解会周五比赛，因为本来系让路亚冠，提起波霸都有小小伤感，我哋下星期继续支持恒大！